Солиқ ҳуқуқбузарлиги ҳақида хабар берганлар учун пул мукофоти тўланади
Cолиқ органларини хабардор қилиш “Soliq hamkor” махсус ахборот тизими орқали амалга оширилади.
Вазирлар Маҳкамасининг “Савдо ва хизматлар кўрсатиш соҳасида жамоатчилик назорати самарадорлигини оширишга доир қўшимча чора-тадбирлар тўғрисида”ги қарори лойиҳаси эълон қилинди.
Унга кўра, харидорларга чек ёки унга тенглаштирилган ҳужжатлар тақдим этмасдан товарларни сотиш ва хизматлар кўрсатиш ҳолатлари тўғрисида, шунингдек, қалбаки маркировкалардан фойдаланиш ва бошқа қонунга зид ҳолатлар ҳақида солиқ органини хабардор қилган жисмоний шахсларга бир марталик пул мукофотига тўлаб берилади.
Бир марталик пул мукофоти Солиқ кодексининг 221-моддаси биринчи қисмида назарда тутилган солиқ ҳуқуқбузарликлари учун қўлланиладиган жарималарнинг 20 фоизи миқдорида белгиланади.
