АҚШнинг йирик ахборот маркази Россия-Украина ўртасидаги урушни “бошлаб юборди”
Ҳозирда ҳодиса сабаблари ўрганилмоқда.
Bloomberg ахборот агентлиги 4 февраль куни “Россия Украинага бостириб кирди” деб номланган сарлавҳани эълон қилди. Бу ҳақда “ТАСС” хабар берди.
Кейинчалик бу материал ўчириб ташланган. Агентлик кейинчалик ҳолат юзасидан баёнот эълон қилган.
“Биз турли сценарийларга доир сарлавҳалар тайёрлаб қўямиз.“Россия Украинага бостириб кирди” сарлавҳаси шарқий соҳил вақти билан 16.00 да тасодифан эълон қилинди. Биз ушбу хато туфайли чуқур қайғудамиз”, – дейилади баёнотда.
Ҳозирда Bloomberg ҳодиса сабабларини ўрганмоқда.
Эслатиб ўтамиз, аввалроқ нима учун Ғарб Россия-Украина чегарасида ваҳима уйғотаётгани маълум қилинганди.
Жаҳонгир Қўзиев
