Хакерлар Европани ёқилғисиз қолдирмоқчи
Бир қатор компаниялар киберҳужумга учради.
Европанинг бир қатор йирик ёқилғи компаниялари хакерлар ҳужумига учради. Бу ҳақда РИА Новости хабар берди.
Ушбу компаниялар орасида Германиянинг Mabanaft GmbH ва Oiltanking GmbH Group корпорациялари ҳам бор. Кибержиноятчилар Black Cat (қора мушук) вирусидан фойдаланган.
Оқибатда, Германия, Мальта, Бельгия ва Нидерландиядаги ўнлаб тақсимот терминаллари фаолияти тўхтаб қолган. Экспертлар ушбу ҳужум АҚШнинг Colonial Pipeline компанияси тизимларини бузиб кирган хакерлар томонидан амалга оширилганини айтмоқда.
Ҳозирда тизимнинг қайта ишга тушиши учун жиноятчиларга товон пули тўлангани ҳақида маълумот йўқ.
Аввалроқ Бельгия мудофаа вазирлиги хакерлар ҳужумига учрагани тўғрисида хабар берилганди.
Жаҳонгир Қўзиев
