Россия Украинага бостириб кирмайди —Жозеп Боррель

 

Европа Иттифоқи бош дипломати Жозеп Боррель Россия Украинани босиб олиши эҳтимоли пастлигини маълум қилди. Бу ҳақда “ТАСС” хабар берди. 

 

Боррелнинг сўзларига кўра, Россиянинг мақсади — Украинага босим ўтказиш орқали Европа хавфсизлиги тизимини қайта кўриб чиқиш.

 

“Биз Россия Украинани босиб олишни истайди,деб ҳисобламаймиз. Фикримизча, Россия Киевга босим ўтказиш орқали Европадаги хавфсизлик тизими бўйича музокаралар столига ўтирмоқчи.Уларда хавфсизлик, хусусан НАТО кенгайиши юзасидан хавотири бор. Биз буларни инобатга олишимиз ва бу ҳақда гапиришимиз зарур”, — деган у.

 

Шу билан бирга Боррель ҳозирги ҳолатни иккинчи жаҳон уруши якунлангандан кейин энг кескин пайт сифатида баҳолаш нотўғри эканини таъкидлаган. У жорий вазиятни “совуқ уруш якунлангандан кейин энг қийин давр”, – дея изоҳлаган.

 

Эслатиб ўтамиз, аввалроқ Украина ва Франция президентлари учрашуви бўлиб ўтгани тўғрисида хабар берилганди. 

 

Жаҳонгир Қўзиев