Украина ядро қуролидан воз кечмаслиги керак эди — Украина ТИВ раҳбари
Шунингдек, у Киев учун янги хавфсизлик кафолатлари ишлаб чиқишга чақирган.
Украина ташқи ишлар вазири Дмитрий Кулеба Киевнинг ядро қуролидан воз кечганини хато деб ҳисоблайди. Бу ҳақда у CBS телеканалига берган интервьсида маълум қилган.
“Биз ядро арсеналидан воз кечганимиз ва бизга берилган хавфсизлик кафолатлари ишламаганини инобатга олиб, айрим давлатлар бунинг учун жавобгарлик хис қилиши керак деб ўйлайман. Украинанинг тўғри ва самарали хавфсизлиги кафолатларини ишлаб чиқиш учун қаттиқ ишлаш керак”, – деган у.
Маълумот ўрнида: 1994 йилда Будапешт Меморандуми имзоланган. Унга кўра, Киев ядро қуролини йўқ қилган. Бунинг эвазига Россия, АҚШ ва Буюк Британия Украина хавфсизлиги бўйича мажбурият олган.
Аввалроқ Макрон ва Путин Украина шарқидаги вазият туфайли учрашишга келишиб олгани тўғрисида хабар берилганди.
