Россия самолётларининг Британия осмонида учиши жиноят деб эълон қилинди
Аввалроқ Лондон Москва авиакомпаниялари учун хаво чегарасини ёпиб қўйганди.
Эндиликда Россия самолётларининг Буюк Британия ҳаво ҳудудига кириб келиши жиноят сифатида баҳоланади. Бу ҳақда Бирлашган қироллик транспорт вазири Грант Шэппс маълум қилди.
"Мен Россиянинг исталган турдаги самолётининг Буюк Британия ҳаво ҳудудигв киришини жиноят деб эълон қилдим. Эндиликда ҳукумат ушбу самолётларни ушлаб қолиши мумкин", — деган сиёсатчи ўзининг Twitter саҳифасида.
Маълумот ўрнида: бундан олдин Лондон РФ самолётларига ўз осмонидан учишини тақиқлаб қўйганди. Бунга Украинадаги уруш сабаб бўлган.
Эслатиб ўтамиз, аввалроқ Евроиттифоқнинг Москвага қарши янги санкциялар тайёрлаётгани тўғрисида хабар берилганди.
