Евроиттифоқ Россияга қарши навбатдаги санкциялар сериясини тайёрламоқда
Санкциялар портлар ва кемаларга қарши мумкин бўлган ҳаракатларни чеклайди.
Европа Иттифоқи Украинага қарши ҳужумни тўхтатишни истамаган Россия Федерациясига қарши санкцияларнинг янги босқичини тайёрламоқда
“Европа ҳукуматлари Россияга қарши янги санкциялар тўпламини тайёрлашга яқин турибди, жумладан, портлар ва кемаларга қарши эҳтимолий ҳаракатлар, санкциялар рўйхатини кенгайтириш, шунингдек, ҳарбий техникада қўлланиладиган технологияларни янада чеклаш”, — дейилади хабарда.
Ушбу чораларнинг баъзилари сешанба кунидан бошлаб қўлланилиши мумкин. Европа Иттифоқи, шунингдек, санкциялар режимини, хусусан криптовалюталарга нисбатан кучайтириш ва чора-тадбирларни четлаб ўтиш учун фойдаланишни чеклаш устида ишламоқда.
Европа Комиссияси президенти Урсула фон дер Леен Италия бош вазири Марио Драги билан Европа Иттифоқи ишлаётган янги санкциялар пакетини муҳокама қилишини айтди.
Аввалроқ Украина ташқи ишлар вазири Кулеба Россияга қарши янги санкциялар жорий этишни талаб қилаётгани хабар қилинганди.
