Фарҳод Арзиев йирик халқаро банк раҳбари билан учрашди
Учрашув Пекинда бўлиб ўтган.
Осиё инфратузилма инвестициялари банки ва Ўзбекистоннинг Хитойдаги элчиси учрашуви бўлиб ўтди. Бу ҳақда "Дунё" АА хабар берди.
Элчи Фарҳод Арзиев ва банк президенти Цзинь Лицюн мулқоти Пекинда бўлиб ўтган. Цзинь Лицюн банк ва Ўзбекистон ўртасидаги муносабатлар ривожини юксак баҳолаган. У Ўзбекистондаги ислоҳотлар ушбу молия институтининг мамлакатимиздаги фаолияти самарадорлигининг бош омили эканини таъкидлаган.
"Биз Ўзбекистон билан ҳамкорлигимиз ва фаол мулоқотимиздан мамнунмиз", — деган банк президенти.
Цзинь Лицюн Ўзбекистонга кейинги ташрифи давомида Осиё инфратузилма инвестициялари банки билан биргаликда амалга оширилаётган лойиҳаларни бориб кўришини маълум қилган.
Аввалроқ Шавкат Мирзиёев Тошкент халқаро инвестицион форумини ўтказилиши муносабати билан йиғилиш ўтказган эди.
