Хитой кемалари Япония билан баҳсли худудга кириб келди
Улар сўнгги 20 кун шу ерда сузиб юрган.
Хитой денгиз полициясининг тўрт катери Шарқий Хитой денгизидаги баҳсли Сенкаку ороли ҳудудига уириб келди. Бу ҳақда Kyodo агентлиги хабар берди.
Сенкаку оролига Япония ва Хитой даъво қилиб келади. Япония денгиз хавфсизлиги бошқармаси маълумотларига кўра, Пекин кемаларига ушбу ҳудудни тарк этишини талаб қилиб огоҳлантириш юборилган. Шу билан бирга Хитой кемалари сўнгги 20 кунда орол атрофида юргани айтилмоқда.
Маълумот ўрнида: Сенкаку ороллари атрофидаги вазият 2012 йилда Токионинг оролни Япония фуқароларидан сотиб олганидан кейин кескинлашиб кетди. Шундан кейин Хитойда бунга қарши норозилик намойишлар бўлиб ўтди, япон ресторан ва корхоналарига босқинлар уюштирилди. 2012 йилдан бошлаб ХХР кемалари доимий равишда баҳсли архипелаг атрофида сузиб юради ва унинг қирғоқбўйи ҳудудига атайин кириб келади.
Эслатиб ўтамиз, аввалроқ Хитой Тайвань мустақиллигига чидаб турмаслигини маълум қилганди.
