Макрон ҳарбий харажатларни оширмоқчи
Бу унинг сайловолди дастуридан ўрин олган.
Европа давлатлари мудофаага кўпроқ маблағ ажратиши керак. Бу ҳақда Франция президенти Эммануэль Макрон маълум қилди.
"Биз қитъада содир бўлиши мумкин бўлган юқори интенсивли урушга тайёр туриш учун мудофаа соҳасига инвестицияларни кўпайтиришимиз керак", — деган у.
Франция етакчисининг фикрича, француз қуролли кучлари Европадаги ягона тўлақонли армия ҳисобланади. Макрон 2025 йилга келиб харбий ҳаражатлар 50 млрд еврога етишини маълум қилган.
"Ҳозирда армияга йилига 40.9 миллард евро ажратилади. Инқирозга қарамай, биз ваъдамизни бажардик ва 2020 йилдан бошлаб ЯИМнинг 2 фоизини мудофаага сарфламоқдамиз. 2025 йилга келиб 50 милллиардлик кўрсаткичга эришамиз", — деб қўшимча қилган Макрон.
Шунингдек, у 2017 йилда мудофаа харажатлари бор-йўғи 32.3 миллиард еврони ташкил этганини эслатган. Франция президентининг сўзларига кўра, Париж Европа хавфсизлигини мустаҳкамлашда бирлвштирувчи роль ўйнайди.
Аввалроқ Макрон Путин билан телефонда мулоқот қилгани тўғрисида хабар берилганди.
