Қўшиқчи Нюша Россиядан кўчиб кетди
Хонанда бу қарорини эрининг иши билан изоҳлаган.
Россиялик қўшиқчи Нюша турмуш ўртоғи Игоь Сивов билан Дубайга кўчиб ўтди. У бу ҳақда ўзининг Telegram каналида эълон қилди ва ватанига қачон қайтиши номаълумлигини билдирди.
Нюша бу қарорни эрининг тез-тез хизмат сафарига кетиши билан изоҳлаган. Ҳозирги вазиятда эса Россиядан учиш мураккаблашгани учун жуфтлик чет элга кўчиб ўтишга қарор қилган.
Очиқ манбалардаги маълумотларга кўра, 41 ёшли Игорь Сивов 2016 йилда талабалар спорти халқаро федерацияси президентининг маслаҳатчиси бўлган. 1949 йилда ташкил этилган федерация айни пайтда 167 давлатни бирлаштиради.
Сўнгги кунларда Россияни кўплаб санъаткорлар тарк этмоқда. Аввалроқ Актриса ва “Подари жизнь” жамғармаси асосчиси Чўлпон Хаматова Россияни тарк этгани ҳақида ёзган эдик.
