Европа бозорини газ билан тўлдира олмаймиз – Қатар вазири
Аввалроқ Эрдўған ўз халқини рус газисиз қолдира олмаслигини айтган эди.
Қатар энергетика вазири Саад бин Шарид ал-Каабий Россиянинг Европага етказиб берадиган газининг муқобили йўқлигини тан олди. Бу ҳақда “Коммерсантъ” хабар берди.
Вазирнинг сўзларига кўра, Қатарнинг жорий газ қувватлари Европа бозорини қаноатлантиришга қодир эмас. Шунингдек, у Доҳа ҳеч кимнинг тарафини олмаётганини ва бизнес тамойиллари асосида ҳаракат қилаётганини айтган.
Шу билан бирга, Ал-Каабий келажакда Европани таъминлаши мумкинлигини таъкидлаган.
Бундан ташқари, Қатар вазири Россиянинг газга тўловларни рублда тўлашни талабига изоҳ берар экан, бу қарор ҳарбий вазият билан боғлиқлигини ва узоқ истиқболли келишувларга таъсир ўтказа олмаслигини тахмин қилган.
Аввалроқ Эрдўган Туркияни Россия газисиз қолдира олмаслигини айтган эди.
