Халқимни газсиз қолдира олмайман – Эрдўған
Туркия етакчиси Россияга қарши санкцияларга қўшила олмаслигини маълум қилди.
Туркия Россияга қарши санкцияларга қўшила олмайди. Бу ҳақда Ражаб Тоййиб Эрдўған маълум қилди.
Эрдўған бунинг сабабини изоҳлар экан, ўз фуқароларини газсиз совуқда қолдира олмаслигини айтган.
“Биз Россия билан алоқаларни четга сура олмаймиз. Сиз биласиз, мен буни аллақачон тушунтириб берганман, биргина истеъмол қиладиган газимизнинг ярмини Россиядан сотиб оламиз. Бундан ташқари, РФ билан бирга “Аккую” АЭСини қуряпмиз. Биз буни инкор қила олмаймиз. Мен буни Макрон (Франция президенти)га тушунтириб берганимда у : “Сиз ҳақсиз” деб жавоб берди. Биз бу масалада ўзига хосликни сақлаб қолишимиз керак”, – деган у журналистлар билан суҳбатда.
Аввалроқ Эрдўғаннинг вакили Россияга санкция қўлланилмаслиги сабабини очиқлаганди.
