АҚШ ва Россия президентлари учрашадими?
Оқ уй вакили жавоб берди.
АҚШ ва Россия президентлари фақатгина Украинада деэскалация содир бўлгандагина учрашиши мумкин. Бу ҳақда Оқ уйнинг коммуникациялар бўйича директори Кейт Бедингилд маълум қилди.
"Ўйлашимча, у (Байден) бу жаноб Путиннинг нима ҳақда гаплашишни истаётганига боғлиқ бўлади. Мен икки президентнинг учрашуви шартларини белгилай олмайман. Байден бу мулоқот ташкил этилишидан аввал Россия томонидан сезиларли деэскалация талаб этилишини ва дипломатик ҳамкорликка интилишни кўрсатиш лозимлигини таъкидлади", — деган у журналистларнинг Путин ва Байденнинг эҳтимолий учрашуви тўғрисидаги саволига.
Маълумот ўрнида: Жозеф Байден душанба куни Путин билан янги учрашувни истисно этмаслигини маълум қилди. У бўлажак музокаралар унинг кун тартибига боғлиқ эканини қайд этган.
Аввалроқ Байден Путин ҳақидаги фикрларини қайтиб олмаслигини айтганди.
