Польша бош вазири Германияни қатъийроқ бўлишга чақирди
У Берлинни Россияга янги санкцияларни жорий этмасликда айблаган.
Германияни Россияга қарши санкциялар жорий этилишини тўхтатиб турибди. Бу ҳақда Польша бош вазири Матеуш Моравецкий маълум қилди.
“Германия ўта қатъий санкцияларни тўхтатиб турган асосий давлат. Орбан (Венгрия бош вазири) санкцияларга қаршилик билдирмаган. Асосий қаршилик қилаётганлар – ўз бизнесидан, оқибатлардан қўрқаётган катта давлатлар”, – деган у.
Шу билан бирга Моравецкий Ғарбий Европанинг катта ва бой давлатларини қатъийроқ бўлишга чақирган.
Аввалроқ Морвецкий Москвага қарши санкциялар натижа бермаётганини айтганди.
