Қашқадарёлик эркак эшакларни нима учун калтаклаганини айтди
Маълум қилинишича, воқеa 2021 йилнинг август ойида содир бўлган.
Ижтимоий тармоқда қашқадарёлик ота ва ўғил 3 эшакни таёқ билан калтаклагани акс этган видео тарқалиб, кенг муҳокамаларга сабаб бўлганди. Эркак суд мажлисида эшакларни нега калтаклаганини тушунтирди.
Таъкидланишича, воқеа 2021 йил 20 август куни содир бўлган. Ўша пайтлар ҳудудда сув жуда танқис бўлгани сабабли челаклаб сув ташилиб, ерлар суғорилган. Эшаклар эса шу ерни пайҳон қилган.
“Август ойида карантин вақти сув жуда танқис эди, челаклаб суғорар эдик. Мевали, манзарали дарахтлар эккандик, командирлар кеча бориб кўрди. Бу жойда болаларим жуда қаттиқ меҳнат қилган. Эшаклар ерни пайҳон қилган. Аччиғим чиққанидан уриб юборганман. Уларни майиб қилиб, бирор еридан қон чиқарганим йўқ”, — деган Илёс Алишеров.
Аввалроқ эшакларни калтаклаган эркак 12 суткага қамалгани хабар қилинганди.
