Демократлар партияси АҚШ энергетикасига қарши уруш очди — Трамп
Собиқ президент Байденга навбатдаги айбловларни қўйди.
Жозеф Байден АҚШдаги тўхтовсиз инфляция, газ ва озиқ-овқат нархи ошишига асосий айбдор. Бу ҳақда мамлакат собиқ президенти Дональд Трамп маълум қилди.
“Байден ва Конгрессдаги демократлар тўхтовсиз инфляцияга сабаб бўлди. Маҳсулотлар етказиб бериш занжирида ҳалокатли вазият юзага келган. Дўконларга боринг ва у ерда ҳеч нарса тополмайсиз”, — деган Оқ уй собиқ раҳбари.
Трамп демократлар партиясини Америка энергетика тизимига қарши уруш эълон қилишда айблаган. Унинг сўзларига кўра, мамлакат ўрта синф вакиллари газ ва озиқ-овқат маҳсулотлари нархи туфайли тор-мор қилинган.
Шунингдек, сиёсатчи Байденни нефть нархининг кескин кўтарилишида ҳам айбдор қилган.
“Бизда энергетик мустақиллик бор эди. Биз Россия ва Саудия Арабистонидан ҳам ўтиб кетгандик. Аммо Украина инқирозидан анча олдин Байден “яшил келишув” деб номланган кулгули лойиҳа туфайли энергетик ресурслар нархини кўтариб юборди. Шамол тегирмонлари — энергетиканинг энг қиммат шакли”, — деган у.
Аввалроқ Трамп Байденнинг руҳан чарчаганини айтганди.
