Оқ уй: Байденнинг «геноцид» ҳақидаги сўзлари - унинг шахсий фикри
АҚШ президентининг гаплари мамлакатнинг позициясига ҳеч қандай таъсир кўрсатмайди
Оқ уй матбуот котиби Жен Псаки айтишича АҚШ президенти Жо Байден Россия президенти Владимир Путиннинг Украинага қарши ҳаракатларини геноцид дегани унинг шахсий фикри. Бу ҳақда «Коммерсантъ» хабар берди.
Оқ уй вакилининг фикрича, Жо Байденнинг баёноти тинчлик музокаралари жараёнига ва АҚШнинг вазиятни ҳал қилиш бўйича позициясига ҳеч қандай таъсир кўрсатмайди.
Президент Путин АҚШ президентининг сўзлари туфайли тинчлик музокараларида қатнашмасликка қарор қилиши даргумон, - деди Оқ уй матбуот котиби брифингда.
Жо Байден Аёва штатида жамоатчилик олдида Россия президентининг Украинадаги сиёсатини геноцид деб атаган.
Эслатиб ўтамиз, аввалроқ Россия президенти Путин Украина билан музокаралар боши берк кўчага кирганини маълум қилганди.
