Байденнинг итининг “кирдикорлари” фош этилди
У кетма-кет 8 кун махфий хизмат агентларига ҳужум қилган.
АҚШ Байденлар оиласининг Майор лақабли ити кетма-кет саккиз кун махфий хизмат агентларига ҳужум қилди. Бу маълумот сир сақланган эди, аммо оммага чиқиб кетди. Агентлардан бири президентдан йиртилган пальтоси учун тўлов ҳам талаб қилган.
Майор Оқ уйга келиши билан муаммо туғдира бошлаган. Аммо яқинда АҚШнинг биринчи шахсларини қўриқлайдиган махфий хизмат раҳбарияти унинг шўхликларини яшириб келгани очиқланди.
Майорнинг “қилмишлари” эълон қилинган маълумотда айтилганидан оғирроқ бўлиши мумкин.
“Майор бурчакдан чиқиб, менга ташланганида эгнимдаги жун пальтом йиртилиб кетди. Бунда менинг айбим йўқ эди ва бу ҳолатдан қочиб қутула олмадим”, - деган президент итидан жабрланган агентлардан бири.
У иш берувчидан 500 доллар компенсация ҳам талаб қилган. Аммо иш нима билан якунлангани ҳалигача номаълум.
Аввалроқ Қўшма Штатлар президент Жо Байден сиёсати туфайли мисли кўрилмаган озиқ-овқат танқислиги юзага келмаётгани ҳақида хабар берган эдик.
