Украина бўйича стратегиямиздан воз кечмаймиз — АҚШ
Вашингтон Киевга қурол етказиб беришда давом этишини айтди.
АҚШ Украинага ҳарбий ёрдам етказиб беришни тўхтатмоқчи эмас. Бу ҳақда Давлат департаменти вакили Нед Прайс маълум қилди.
Прайс АҚШ ОАВларнинг Россия томонидан ҳарбий ёрдамни тўхтатиш талаб қилингани тўғрисидаги хабарларига изоҳ берган.
“Россия ниманидир очиқ форматда, ниманидир ёпиқ форматда айтган. Аммо танлаган стратегиямиздан бизни ҳеч нарса қайтара олмайди”, –– деган у CNN телеканали эфирида.
Шу билан бирга, у юқоридаги маълумотларни тасдиқламаган.
“Агар Кремль АҚШ ва унинг ҳамкорлари украиналикларга хавфсизлик соҳасида миллиардлаб доллар етказиб бераётганини, украиналиклар сўраган [қуролларни] тақдим етаётганини ва украинлар улардан ўта самарали фойдаланаётганини тахмин қилаётган бўлса, бу айни ҳақиқат”, –– деб қўшимча қилган у.
Аввалроқ Украинага ҳарбий ёрдам етказиш орқали АҚШ мудофаа салоҳияти зарар кўраётгани тахмин қилинганди.
