Украинага ҳарбий ёрдам бериш АҚШни заифлаштириши мумкин — Bloomberg

 

Украинага ҳарбий ёрдам етказиб АҚШ шахсий қурол заҳираларининг катта қисмини йўқотиши мумкин. Бу ҳақда Bloomberg агентлигида мақола эълон қилинди.

 

Мақола муаллифи Хэл Брэндснинг сўзларига кўра, АҚШ Украина атрофидаги вазиятда "демократия арсенали" вазифасини бажармоқда. Аммо вақт ўтиши билан бу арсенал захиралари камациши мумкин.

 

"Қўшма Штатлар аллақачон ўзининг танкка қарши Javelin ракеталар тизимининг учдан бирини етказиб берди", — деган эксперт.

 

Шунингдек, ҳозирда Украина армиясига авиация ва ўқ-дори ҳам етишмаяпти. Агар уларнинг етказиб берилиши хам кўпайтирилса, Вашингтон қурол-яроғ омборларидаги резервларнинг ўта камайиб кетишига дуч келади. Брэндс уларнинг ўрнини тўлдириш учун ойлар ёки бир неча йил кетишидан огоҳлантирган.

 

Унинг қўшимча қилишича, Хитой ёки Россия билан низода Қўшма штатлар шахсий захираларини бир неча кунда тугатиб қўйиши мумкин.

 

"Шу тариқа Ғарб давлатлари Украинага қурол етказиб бериш ёки чегараланган захираларни сақлаб қолиш танлови олдида турибди", — деб хулоса қилган Брэндс.

 

Аввалроқ Вашингтон Киевга 750 миллион долларлик янги ҳарбий ёрдам пакетини ажратганди.