Хитой Вашингтонни қаттиқ огоҳлантирди
Бу АҚШ конгресси аъзоларининг Тайванга ташрифи билан боғлиқ.
АҚШ конгрессменларининг Тайванга амалга оширган ташрифи Хитой-Америка муносабатларининг асосига путур етказади. Бу ҳақда Хитой мудофаа вазирлиги расмий вакили У Цянь маълум қилди.
“АҚШнинг бу хатти-ҳаракатлари “ягона Хитой”тамойилини ва қўшма учта Хитой-Америка коммюникеларини қўпол равишда бузади. Шунингдек, икки томонлама муносабатларнинг сиёсий пойдеворига путур етказади”, – деган у.
У Цяннинг қўшимча қилишича, Пекин Вашингтонга қатъий протест билдирган ва қаттиқ огоҳлантириш берган.
Шунингдек, Тайванни ажратиб олиш бўйича ҳар қандай ҳаракатларга қаршилик қилиниши таъкидланган.
Аввалроқ Хитой ҳеч қачон Тайвань мустақиллигига чидаб турмаслигини маълум қилганди.
