Афғонистон ва Ўзбекистон темирйўллар соҳасида ҳамкорликни тўхтатадими?
12-14 апрель кунлар ушбу масалада икки томонлама музокара бўлиб ўтган.
“Ўзбекистон темир йўллари” АЖ матбуот хизматининг хабар қилишича, 12-14 апрель кунлари Термиз шаҳрида Афғонистон темир йўллари бошқармаси раиси Бахтурраҳмон Шарафат бошчилигидаги Афғонистон делегацияси билан музокаралар бўлиб ўтган.
Унда Афғонистон томони “Ўзбекистон темир йўллари” АЖ билан ҳамкорликни мустаҳкамлаш ниятида эканлигини таъкидлаган.
Шу билан бирга, улар ОАВда Афғонистон “Ўзбекистон темир йўллари” АЖ билан ҳамкорликни тўхтатишни режалаштираётгани ҳақидаги маълумотни рад этган.
Бундан ташқари, Афғонистон томони “Согдиана-Транс” ШК (“Ўзбекистон темир йўллари” АЖга қарашли)нинг “Ҳайратон – Мозори Шариф” темир йўл линиясининг эксплуатасияси бўйича олиб бораётган ишларидан тўлиқ мамнунлигини билдирган.
