АҚШ стратегик қурол синовидан воз кечди
Мамлакат вице-президенти бошқа давлатларни ҳам шунга чақирган.
АҚШ сунъий йўлдошга қарши қурол синовидан воз кечди. Бу ҳақда вице-президент Камала Харрис маълум қилди.
"Бугундан бошлаб Қўшма Штатлар сунъий йўлдошга қарши вайронкор қурол синовларидан воз кечганини мамнуният билан эълон қиламан. Бошқача айтганда — бу каби синовлар хавфли ва биз уни амалга оширмаймиз”, — деган у Калифорниядаги ҳарбий-ҳаво кучлари базасидаги чиқишида.
Шу билан бирга у Вашингтон бошқа давлатларни ҳам бу ташаббусга қўшилишга чақирган.
CNBC телеканали маълумотларига кўра, АҚШ сўнгги бор 2008 йилда сунъий йўлдошга қарши қурол синовини ўтказган. Шунингдек, бу каби синовлар Хитой, Россия ва Ҳиндистон томонидан хам ўтказилган.
Аввалроқ АВШ гипертовушли ракета учиргани тўғрисида хабар берилганди.
