Германия Россия уранининг тақиқланишига рози
Шунингдек, Берлин Москва нефтидан босқичма-босқич воз кечмоқчи.
Германия Россия уранига қарши санкция жорий этилишига рози бўлди. Бу ҳақда Politico нашри хабар берди.
Берлин доимий вакили 27 апрелда Германия позициясини очиқлаган. Ушбу санкциялар Россиянинг бутун атом саноатига тааллуқли бўлиб, Ғарбий Европадаги ядро энергетикаси бўйича барча янги лойиҳаларга таъсир ўтказади. Шунингдек, немис ҳукумати босқичма-босқич Россия нефтидан воз кечиш вариантини кўриб чиқмоқда
The New York Times маълумотларига кўра, Евроиттифоқ рус нефтига қарши босқичма-босқич санкция жорий этишни режалаштирган. Шунингдек, "Сбербанк" ва Москванинг қатор олий мартабали амалдорлари ҳам санкциялар пакетига киритилади. Бу чекловлар кейинги ҳафтада эълон қилиниши кутилмоқда.
Аввалроқ санкцияларга қарамай, Россия нефть ва газдан рекорд даромад олгани тўғрисида хабар берилганди.
