Тошкентда 4 та кўча ёпилди
Шаҳар ҳокимлиги чеклов сабабини маълум қилди.
Бугун, 8 май куни картинг бўйича Ўзбекистон биринчилиги ўтказилиши муносабати билан пойтахтдаги бир нечта кўчалар соат 20:00 гача ёпилди. Бу ҳақда Тошкент шаҳар ҳокимлиги маълумот берди.
Ёпиладиган кўчалар рўйхати қуйидагилар:
— Амир Темур шоҳ кўчаси - Шаҳрисабз кўчаси кесишмасидан Якуб Колас кўчаси кесишмасигача;
— Якуб Колас кўчаси - Амир Темур шоҳ кўчаси кесишмасидан Тарас Шевченко кўчаси кесишмасигача;
— Тарас Шевченко кўчаси - Якуб Колас кўчаси кесишмасидан Шаҳрисабз кўчаси кесишмасигача;
— Шаҳрисабз кўчаси - Тарас Шевченко кўчаси кесишмасидан Амир Темур шоҳ кўчаси кесишмасигача.
“Ноқулайликлар учун узр сўраймиз”, — дейилади хабарда.
Эслатиб ўтамиз, аввалроқ Тошкент шаҳрида ТХАЙнинг “Қўйлиқ” бозори рўпарасидан ўтган қисмида автомобиллар ҳаракати чекланиши хабар қилинганди.
