КХДРга ҳам коронавирус етиб борди
Бу бўйича шахсан Ким Чен Ын халққа мурожаат қилган.
Шимолий Корея расман мамлакатда коронавирус билан касалланишнинг биринчи ҳолатини қайд этди. Бу ҳақда Yonhap агентлиги хабар берди.
Унга кўра, ҳукумат 8 май куни Пхеньян аҳолисидан олган таҳлиллари натижаси COVID-19'нинг омикрон штамми билан зарарланиш аниқланган. Шу муносабат билан Корея меҳнат партияси Марказий Қўмитаси йиғилиши чақирилган.
Унда Ким Чен Ын мурожаат билан чиққан. У касаллик тарқалишининг олдини олиш учун давлат чегаралари назоратини кучайтиришга топшириқ берган.
Ўз навбатида Жанубий Корея Пхеньянга гуманитар ёрдам кўрсатишга тайёрлигини маълум қилди.
КХДР коронавирус расман аниқланмаган кам сонли давлатлардан бири бўлиб қолаётган эди.
Аввалроқ Шимолий Корея Хитой билан чегарада темирйўл станцияси қураётгани тўғрисида хабар берилганди.
