Тошкентда эркак 17 ёшли қизга тегажоғлик қилмоқчи бўлди
Ҳолат бўйича шаҳар ИИБ муносабат билдирди.
Ижтимоий тармоқда Тошкент шаҳри Юнусобод туманида ёш қизга нисбатан эркак киши тегажоғлик қилгани айтилган видеолавҳа тарқалди. Ҳолат бўйича шаҳар ИИБ расмий муносабат билдирди.
Маълум қилинишича, воқеа 17 май куни соат 14.00 атрофида рўй берган. 17 ёшли К.М. уйига қайтаётганида эркак киши орқасидан келаётганини пайқаб қолган ва қадамини тезлатиб, уй йулагига югуриб кирган. Эркак ҳам унинг орқасидан кирганида киз бақириб юборган. Шундан сўнг эркак номаълум томонга қочиб кетган.
“Ҳозирда мазкур факт юзасидан терговга қадар текширув ўтказилмоқда, натижалари бўйича қонуний чора кўрилади”, — дейилади хабарда.
Эслатиб ўтамиз, бундан олдин Тошкент шаҳрида такси ҳайдовчиси 3 нафар аёлга шилқимлик қилгани хабар қилинганди.
