Блинкен 26 май куни АҚШнинг Хитойга нисбатан стратегиясини эълон қилади
Унда нималар қайд этилгани очиқланди.
АҚШ давлат котиби Энтони Блинкен 26 май куни Оқ уйнинг Хитойга нисбатан стратегиясини эълон қилади. Бу ҳақда Politico газетаси хабар берди.
Нашр маълумотларига кўра, дастлаб Блинкен ушбу баёнотни 5 май куни Жорж Вашингтон университетида беришни режалаштирган. Аммо давлат котибида коронавирус аниқланади ва тадбир номаълум муддатга қолдирилади.
Бўлажак нутқда Жозеф Байденнинг жорий асрда АҚШ ғалабасини таъминлашга қаратилган стратегияси тушунтириб берилади. Аммо Politico маълумотларига кўра, Блинкендан “янги сюрпизлар”ни кутиш шарт эмас, чунки жорий администрация Пекинга нисбатан Дональд Трамп йўналишини давом эттирмоқда.
АҚШ ҳукумати ушбу нутқ матнини эълон қилишни истамаган. Аммо Вашингтон Осиёда альянслар ва ҳамкорлик алоқаларини кучайтириш орқали Хитой таъсирига қарши курашмоқчи.
Аввалроқ Япония бош вазири Жозеф Байден билан учрашганди.
