Буюк давлатлар ўртасидаги уруш хавфи қайтди — Марк Милли
АҚШ генерали Хитой ва Россия билан рақобат ҳақида гапирди.
Замонавий дунёга буюк давлатлар ўртасидаги уруш хавфи қайтди. Бу ҳақда АҚШ қуролли кучлари штаб бошлиқлари бирлашган қўмитаси раҳбари Марк Милли маълум қилган.
"Агар биз Россиянинг Украинада қўйган мақсадларига эришишга имкон берсак, 1945 йилдан кейин ўрнатилган қоидалар ҳавога учади. Агар шундай бўлса, яқин йилларда ўта оғир аҳвол шаклланади. Шунинг учун бу қоидалар сақланиб қолиши ва мустаҳкамланиши лозим. Бу бутун дунё манфаати учун фойдали бўлади", — деган у.
Миллининг қўшимча қилишича, Россия ва Хитой халқаро муносабатларда катта аҳамиятга эга. Аммо улар билан қарама-қаршилик ўн йилларга чўзилиши мумкин.
Аввалроқ Япония бош вазири Фумио Кисида дунё тартиботининг куч билан ўзгартирилишига қарши эканини айтганди.
