Россия нефть ва газдан рекорд миқдорда даромад олмоқда
Нефть нархининг кўтарилиши рус нефтининг жозибадорлигининг ошишига олиб келяпти
Ғарб санкцияларига қарамай, Россиянинг нефть ва газдан олган даромади рекорд даражада ошди. Бу ҳақда таҳлилчи Роберт Рапир маълум қилди.
Рапир Немис халқаро муносабатлар ва хавфсизлик институти эксперти Янис Клюгернинг маълумотларига асосланиб қайд этишича, апрель ойида Москва углеводородлардан 1.8 триллион рубль даромад олган. Сартда бу кўрсаткич 1.2 триллионни ташкил этган. Сўнгги тўрт ойда эса 2022 йилда белгиланган сумманинг ярмига тенг миқдорда нефть ва газ экспорт қилинган.
Рапирнинг қўшимча қилишича, Ғарбнинг кейинги санкциялари Россияга фойда келтириши мумкин.
“Нефтнинг бир баррели учун 200 долларгача нарх белгиланишига йўл қўймай туриб, рус нефтини бозордан олиб ташлаш қийин. Шу билан бирга нарх ошиб борган сари Россия “қора олтин”и жозибадорлиги ҳам ошиб боради. Масалан, ҳозирда Хитой ва Ҳиндистонда уни катта чегирма билан сотиб олишга иштиёқ кучли”, – деган таҳлилчи.
Аввалроқ АҚШ Саудия Арабистони билан нефть масаласида махфий музокара ўтказаётгани тўғрисида хабар берилганди.
