АҚШ Саудия Арабистони билан махфий музокара олиб бораётгани маълум бўлди
Бундан кўзланган мақсад очиқланди.
АҚШ вакиллари Саудия Арабистони билан махфий музокаралар олиб бормоқда. Бу ҳақда Axios ахборот портали хабар берди.
Унга кўра, Оқ уйнинг Яқин Шарқ бўйича координатори Бретт МакГурк ва Давлат департаментининг глобал энергетик хавфсизлик бўйича катта маслаҳатчиси Амон Хохштейн Саудияда бўлиб турибди.
Вашингтон ушбу мулоқот орқали нефть қазиб олишни кўпайтиришга эришишни кўзламоқда. Шундан кейин Россияга қарши янада кенг қамровли санкциялар жорий этиш имкони туғилади.
Бундан ташқари, Қўшма штатлар 2022 йил кузидаги оралиқ сайловлар арафасида мамлакатда ёқилғи нархини туширишни мўлжаллаган.
Аввалроқ Саудия Арабистони янги OPEC+ келишувини ишлаб чиқаётгани тўғрисида хабар берилганди.
