Россия Финляндияни ҳайрон қолдирди
Хельсинки 18 май куни НАТОга аъзолик аризасини топширганди.
Россия Финляндиянинг НАТОга аъзолик ҳаракатларига ҳеч қандай муносабат билдирмади. Бу ҳақда Финляндия хавфсизлик полициячи раҳбари Антти Пелттари Financial Times газетасига берган интервьюсида айтиб ўтди.
У бу ҳолатни “ҳайратланарли” деб атаган.
“Ҳеч нарса содир бўлмаётгани яхши. Умид қиламизки, кейинчалик ҳам шундай бўлади”, – деган Пелттари.
Шу билан бирга амалдор Москвадан қандай реакция кутганини очиқламаган.
Маълумот ўрнида: Финляндия ва Швеция узоқ йиллар давомида ҳарбий нейтралитетни сақлаб келган. Аммо Украинадаги вазият фонида бу икки давлат НАТОга аъзо бўлиш истагини билдирди. 18 май куни улар альянсга аъзолик аризасини топширди.
