Швеция ва Финляндиянинг НАТОга қўшилиш учун тарихий қадам ташлади – Йенс Столтенберг
Икки давлат расман аъзолик аризасини имзолади.
Швеция ва Финляндия НАТОга кириш учун расман ариза топширди. Бу ҳақда альянс бош котиби Йенс Столтенберг маълум қилди.
Ариза топшириш маросимини НАТО матбуот хизмати онлайн трансляция қилиб борган. Столтенбергнинг сўзларига кўра, ташкилот Швеция ва Финляндиянинг бу ҳаракатларини олқишлайди. Шунингдек, альянс уларга хавфсизлик кафолати тақдим этиш бўйича ишларни тезлаштириши ҳамда Болтиқ минтақасига ўз хавфсизлик тизимини мослаштириши таъкидланган.
Столтенберг икки давлатнинг ушбу қадамини “тарихий” деб атаган.
Аввалроқ НАТО кемалари Болтиқ денгизига киргани тўғрисида хабар берилганди.
