Ямандаги ярашув катта умид бермоқда — АҚШ вакили
2 июнь куни яманликлар ўт очишни тўхтатишни икки ойга узайтирганди.
Яманда давом этаётган ярашув низонинг тугашига умид беради. Бу ҳақда АҚШнинг Яман бўйича махсус вакили Тим Линдеркин маълум қилди.
"Ярашув чўзилиб кетган урушнинг тугашига умид беради. жанговар ҳаракатларнинг интенсивлиги сезиларли даражада камайди. Энг муҳими — яманликлар ярашув натижаларини кўра олишлари керак", — деган дипломат.
Унинг қўшимча қилишича, низолашаётган томонлар ўзаро ён беришларга борди. Шунингдек, Линдеркин ўзаро музокаралар ўтказилишига умид билдирган.
Маълумот ўрнида: 30 мартдан 7 апрелгача Ар-Риёдда яманликлараро музокаралар бўлиб ўтди. Натижада низолашаётган томонлар 2 ойга ўт очишни тўхтатишга келишиб олди. 2 июнь куни бу жараён яна икки ойга узайтирилди.
Яманда фуқаролар уруши 2014 йилда авж олиб кетди. Ўшанда Эрон томонидан қўллаб-қувватланадиган хусийлар Санани эгаллаб олади ва расмий ҳукуматни мамлакатдан тарк этишга мажбур қилади. 2015 йилда Саудия Арабистони бошчилигидаги араб давлатлари коалицияси можарога аралашади.
Таҳлилчилар уруш давомида 14.5 минг тинч аҳоли вакиллари ҳалок бўлганини маълум қилган. Шунингдек, ҳарбий ҳаракатлар дунёдаги энг йирик гуманитар инқироз пайдо бўлишига сабаб бўлади.
Аввалроқ Яман хусийлари болаларни урушга жалб қилмасликка рози бўлганди.
