Украина ва Европада айрим турдаги ўқ-дорилар захираси камайган
Бу ҳақда The Economist маълум қилди.
Украина ва Европа Иттифоқи давлатларида Собиқ Иттифоқ ва Россия томонидан ишлаб чиқарилган ўқ-дорилар тугаб бормоқда. Бу ҳақда The Economist хабар берди.
Нашр Америка ҳарбий-денгиз таҳлили марказининг РФ қуролли кучларини ўрганиш дастури раҳбари Майкл Кофман маълумотларига асосланган. Унга кўра, Украинада айрим турдаги Совет даврида ишлаб чиқарилган ўқ-дорилар бутунлай тугаган ёки тугаш арафасида. Бу вақт ўтиши билан Шарқий Европа давлатларида ҳам юз беради. Украинада низо чўзилиб борар экан, НАТО стандартидаги қуролларга талаб ошиб боради.
The Economist 'нинг ҳарбий кузатувчиси Шашанк Джошининг маълумотларига кўра, Европада Собиқ СССР давридан қолган ўқ-дори захиралари жиддий камайган. У билан суҳбатлашган ҳарбий амалдорлардан бири уч ойда улар деярли тугаб бўлганини қайд этган. Унинг қўшимча қилишича, инфляциянинг ошиб бориши барча турдаги қурол-аслаҳаларнинг қимматлашишига олиб келади.
Бундан ташқари, Евроиттифоқда танкка қарши ракеталар ва кўчма зенит тизимлари ҳам охирлаб қолган. Яқин келажакда уларнинг тезкор равишда ишлаб чиқарилишини йўлга қўйиш эса қийин масала бўлиб қолмоқда. Бу эса Украинани Европа қуроллари билан барқарор таъминланишига таъсир ўтказади.
Аввалроқ Киев Польша билан қурол сотиб олиш бўйича битим имзолаганди.
