Марокашда “Цивилизациялар альянси” ўтказилади
Бу ҳақда мамлакат ТИВ маълум қилди.
Марокаш БМТнинг “Цивилизациялар альянси” тўққизинчи форумини ўтказмоқчи. Бу ҳақда мамлакат ташқи ишлар вазири Носир Бурита маълум қилди.
Дипломат бу ҳақда “Танжер мулоқоти” халқаро конференциясида айтиб ўтган.
“Бугун “Альянс” ҳар қачонгидан ҳам муҳим. Шу сабабли Марокаш шу йил Африкада илк бор “Цивилизациялар альянси”нинг тўққизинчи глобал форумини ўтказиш ниятида”, – деган Бурита.
“Цивилизациялар альянси”ни тузиш ғояси Испаниянинг собиқ бош вазири Хосе Луис Родригес Сапатерога тегишли. Унинг тузишдан мақсад Шарқ ва Ғарб ўртасидаги эҳтимолий низоларнинг олдини олиш бўлган.
Ташкилот кўнгилли равишда мақсадли фонд орқали молиялаштирилади. Унга ҳукуматлар, халқаро тузилмалар ва хусусий шахслар ихтиёрий равишда пул ажратади. Альянс штаб-квартираси Нью-Йоркда жойлашган.
Аввалроқ БМТ озиқ-овқат етишмовчилигининг асосий сабабини маълум қилганди.
