Низолар дунёдаги очликнинг энг асосий сабаби бўлиб қолмоқда. Бу ҳақда БМТ озиқ-овқат ва қишлоқ хўжалик ташкилоти бош директори Цюй Дунъюй маълум қилди.
"2018-2021 йиллар оралиғида дунёдаги инқирозли давлатлардаги озиқ-овқат маҳсулотлари етишмовчилигида асосий сабаб қуролли тўқнашувлар бўлган. Ушбу давлатларда очликдан азият чекаётганлар 88 фоизга кўпайди ҳамда уларнинг сони 139 миллион кишини ташкил этмоқда", — деган у.
Дунъюйнинг қўшимча қилишича, қишлоқ хўжалиги тинчлик ва хавфсизликнинг асосий калитларидан бири ҳисобланади. у дунё ҳамжамиятини агросаноат тизимини қайта ташкил этишга чақирган.
Озиқ-овқат ва қишлоқ хўжалик ташкилоти маълумотларига кўра, Украинадаги ҳарбий можаро озиқ-овқат маҳсулотлари экспорти, логистикаси ва оммабоплигига таъсир кўрсатди. Шу билан бирга энергетика ресурслари ва минерал ўғитларнинг нархи кўтарилиши қишлоқ хўжалиги ҳосилдорлигининг пасайишига сабаб бўлади.
Аввалроқ глобал миқёсда озиқ-овқат товарлари нархи кўтарилаётгани тўғрисида хабар берилганди.