Европанинг етакчи давлатлари Украинанинг асосий талабини бажармади
Бу ҳақда The Los Angeles Times хабар берди.
Германия, Италия ва Франция етакчилари Киевга тезкор равишда қурол етказиб беришдан бош тортди. Бу ҳақда The Los Angeles Times газетаси колумнисти Дойл Макманус маълум қилди.
Муаллифнинг фикрича, Европа ҳукуматлари орасида “Украина масаласида чарчоқ” сезилмоқда. Бунга санкциялар босими сабаб бўлмоқда.
“Россияга қарши санкцияларнинг муаммоли томони шундаки, улар фақат бизга зарар етказган тақдирдагина ишлайди”, – деган у.
Макманус Европанинг уч йирик давлати раҳбарлари Киевга келган ва Украинани қўллаб-қувватлашини билдирган бўлса-да, аммо улар дарҳол қурол етказиб бериш кафолатларини тақдим этмаган. Шу билан бирга эксперт Макрон, Шольц ва Драгининг Киевни ЕИга киришини қўллаб-қувватлаши “рамзий” қадам эканини таъкидлаган.
Аввалроқ Шольц Евроиттифоқни ислоҳ қилиш кераклигини айтганди.
