Қайси давлатлар Украина можаросини ҳал этишда Европа номидан иштирок этиши мумкинлиги очиқланди
Испания бош вазири бу бўйича таклиф билдирди.
Украина можаросини ҳал қилиш жараёнида Германия ва Франция Евроиттифоқ номидан иштирок этиши керак. Бу ҳақда Испания бош вазири Педро Санчес маълум қилди.
“Биз энг бошидан Украинани охирги рус аскари тарк этмагунича Путин ва унинг олигархларига қарши санкцияларнинг сақланиб қолиши тарафдори эдик. Шу билан бирга биз доимо Путин билан очиқ мулоқот тарафдори бўлганмиз”, – деган у.
Санчес Украина низоси узоқ давом этиши мумкинлигини тахмин қилган. Шу сабабли бош вазир Европа бирлигини мустаҳкамлаш зарурлигини таъкидлаган.
Аввалроқ Путин “катта йигирматалик” саммитида иштирок этган тақдирда Европа уни бойкот қилмаслиги маълум бўлганди.
