БМТ Афғонистондаги зилзила қурбонлари учун маблағ сўради
У 300 мингдан ортиқ афғонга йўналтирилади.
БМТ Афғонистондаги зилзила қурбонлари учун 110 миллион доллар сўради. Бу ҳақда "Sputnik Афганистан" хабар берди.
Ташкилот бош котибининг расмий вакили Стефан Дюжаррикнинг сўзларига кўра, бу ёрдам зилзиладан азият чеккан 362 минг кишига йўналтирилади. Ушбу маблағлар 3 ой давомида етказиб берилади.
Ёрдам пуллари, асосан, Хост ва Пактия вилоятларига йўналтирилиши айтилган.
Маълумот ўрнида: Ўтган ҳафтада Афғонистонда даҳшатли зилзила содир бўлди. Пактика, Пактия, Хост, Лағмон, Ғазни, Лўгар ва Кобул вилоятларида қайд этилган зилзила кучи Рихтер шкаласи бўйича 6,1 баллни ташкил қилган. Ҳодиса оқибатида 1500 киши ҳалок бўлгани айтилмоқда.
Аввалроқ Ўзбекистоннинг Афғонистонга гуманитар ёрдам юборгани тўғрисида хабар берилганди.
