Тошкентда Марказий Осиё Омбудсманлари учрашди
Учрашув якунида Тошкент декларацияси қабул қилинган.
Тошкент шаҳрида Марказий Осиё давлатлари Омбудсманларининг биринчи форуми бўлиб ўтди. Бу ҳақда “Sputnik Узбекистан” хабар берди.
Инсон ҳуқуқ ва эркинликлари ҳимояси тадбирнинг асосий мавзуси бўлган. Бундан ташқари, аёллар, болалар, ногиронлар ва маҳбуслар ҳуқуқини ҳимоя қилиш ҳамда рағбатлантириш масалалари ҳам муҳокама қилинган.
Иштирокчилар икки томонлама меморандум имзолаган ҳамда Тошкент декларациясини қабул қилган.
Аввалроқ Сенатда Омбудсманнинг 2021 йилдаги фаолияти тўғрисида ҳисобот эшитилганди.
