"Қирғийлар", “кабутарлар”, “туяқушлар”
The Sunday Times НАТО давлатларининг Украина масаласида 3 гуруҳга бўлиниб кетганини маълум қилди.
Буюк Британиянинг The Sunday Times газетаси НАТОнинг Украина масаласида бўлиниб кетганини маълум қилди.
Газета альянс давлатларини уч категорияга бўлган. Биринчи гуруҳ "қирғийлар" деб аталиб, унга Польша ва Шарқий Европанинг бошқа давлатлари киритилган. Улар Россияга қаттиқ зарба берилиши ва Қрим ҳамда Донбасснинг Украина назоратига қайтарилишини талаб қилмоқда.
Иккинчи гуруҳ "кабутарлар" деб аталиб, улар Қрим, тан олинмаган ДХР ва ЛХРнинг мақоми сақланиб қолишга рози эканлиги айтилган. Скандинавия давлатларидан бирининг амалдори бу келишувни "адолатсиз, аммо прагматик" деб атаган.
Учинчи — “туяқушлар” гуруҳи асосан Жанубий Европа давлатларидан иборат бўлиб, улар Украина инқирозига етарли даражада эътибор қаратмаяпти.
Аввалроқ Украина низоси якунлари бўйича учта вариант тахмин қилинганди.
