Латвия мажбурий ҳарбий хизмат тартибига қайтади
Мудофаа вазирлиги бу бўйича маълумот берди.
Латвия яқин беш йилда умумий ҳарбий хизмат мажбурияти тартибини қайта тикламоқчи. Бу ҳақда мамлакат мудофаа вазири Артис Пабрикс маълум қилди.
“Латвия қуролли кучлар тизимида хизмат қилишнинг жорий тизими ўзини оқламайди. Шу сабабли яқин беш йилда мамлакатни ҳимоя қилиш хизмати пайдо бўлиши керак. У дастлаб ихтиёрий, кейинчалик мажбурий бўлади”, – деган вазир.
Латвия мудофаа вазирлиги 2023 йил 1 январдан бошлаб ихтиёрий равишда ҳарбий хизматга олишни бошлайди. 2028 йилдан бу тўлиқ мажбурий тизимга ўтиши режалаштирилмоқда.
Мамлакатда 2006 йилда мажбурий чақирув тартиби бекор қилинганди.
Аввалроқ Россия Калининград масаласида Литвага ультиматум эълон қилганди.
