Рус хакерлари Украина разведкачилари ҳақидаги маълумотларни ошкор қилди
Бу Россия-Украина можароси бошланганидан буён энг йирик киберҳужум эканлиги айтилмоқда.
Россиянинг RaHDit хакерлар гуруҳи минг нафар украиналик разведкачилар маълумотларини эълон қилди. Улар Украина мудофаа вазирлигининг бош разведка бошқармаси ходимлари ҳисобланади.
Номи ошкор қилинганлар орасида Россия, Ҳиндистон, Австрия, Вьетнам, ЖАР, Италия, Туркия ва Эрондаги Украина элчихонаси ходимлари ҳам бор. Бундан ташқари, Польша, Венгрия, Болгария ва Словакия йўналишларидаги ҳарбий разведка раҳбарлари номлари келтирилган.
Қайд этилишича, бу Россия-Украина можароси бошланганидан украин разведкаси ҳақидаги энг катта маълумотлар базаси ҳисобланади.
Аввалроқ Британия армиясининг ижтимоий тармоқдаги саҳифалари киберҳужумга учраганди.
