Британия армиясининг ижтимоий тармоқдаги саҳифаларига киберҳужум қилинди
Унда криптовалюта рекламалари жойлаштириб қўйилган.
Британия армиясининг Twitter ва YouTube аккаунтлари хакерлар ҳужумига учради. Бу ҳақда Bloomberg агентлиги хабар берди.
Агентлик маълумотларига кўра, YouTube каналига Ark Investment Management LLC корхонаси томонидан ташкиллаштирилган биткоинга оид реклама ролиги жойлаштирилган. Twitter’да эса NFT-токенлар рекламаси пайдо бўлган.
Кейинчалик қуролли кучлар фойдаланувчилардан узр сўраб чиқди ва ҳодиса бўйича суриштирув ишлари бошланганини маълум қилди.
Аввалроқ Хитойда вирусли дастур аниқлангани тўғрисида хабар берилганди.
