Путин Ғарбга қарши сирли қурол топди — The Wall Street Journal
Россия қайси соҳаларда муваффақият қозонгани очиқланди.
Ғарбнинг маънавий ва сиёсий иккиланишлари Путиннинг сирли қуролига айланди. Бу ҳақда The Wall Street Journal таҳлилчиси Уолтер Рассел Мид фикр билдирди.
“Путин Ғарб жамияти муаммоларидан фойдаланишга ҳаракат қилмоқда, бу охир-оқибат Американинг дунё тартиботидаги етакчи ролини йўқотишга қаратилган. Ғарбнинг тушкун кайфиятига таяниб сиёсат юритиш ўн йилдан зиёд ўзини оқлаб келмоқда”, — дейилади муаллиф мақоласида.
Миднинг фикрича, Европа ва АҚШ билан иқтисодий урушда Москва нафақат муносиб қаршилик қила олди, балки ушбу қарама-қаршилик ташаббускорларига таъсир кўрсата олди. Масалан, санкцияларнинг акс таъсири ортидан Германия мудофаа харажатларини ошириш тўғрисидаги ваъдаларидан чекинмоқда.
“Путин Ғарб ўз ҳокимиятини ўта кучли деб баҳолаб келган иқтисодиёт ва сиёсатда катта муваффақиятга эришди”, – деб қайд этган эксперт.
Аввалроқ Путин Эронга бориши тўғрисида хабар берилганди.
