Саудияга ташриф АҚШда бензин нархини пасайтирмайди — Politico
Байденнинг Саудия Арабистонига ташрифидан кўзланган асосий мақсад очиқланди.
Жозеф Байденнинг Саудия Арабистонига ташрифи АҚШда бензин нархи пасайишига ёрдам бермайди. Бу ҳақда Politico журнали материалида сўз боради.
Оқ уй раҳбарининг Яқин Шарққа ташрифидан кўзланган асосий мақсадлардан бири ёқилғи нархининг пасайишига эришишдан иборат. Вашингтон Форс кўрфази давлатларининг нефть қазиб олишни кўпайтиришини истамоқда.
Аммо Саудиянинг ўзида нефть етарли даражада эмас. Мамлакат бор имкониятлари билан ўз ишлаб чиқариш режаларини бажаришга ҳаракат қилмоқда.
Шу билан бирга саудияликларнинг дунё бозорини "қора олтин" билан тўлдириб ташлаши нархларнинг пасайишини англатмаслиги алоҳида таъкидланган.
Аввалроқ нефть нархи 300 доллардан баланд бўлиши тахмин қилинганди.
