КХДР ракета тизимларини кучайтирмоқда
Япония мудофаа вазирлиги бу бўйича маълумотларни очиқлади.
КХДР ўта юқори тезликдаги ракеталар билан қуролли кучларини ривожлантиришда давом этмоқда. Бу ҳақда Япония мудофаа вазирлиги маълумот берди.
"Ўта юқори тезликдаги ракеталар билан технологияларни ривожлантириш давом этмоқда. Сўнгги йилларда КХДР қатор товушдан тез ва ўз траекториясини ўзгартира оладиган ракеталар синовини ўтказди" ,— дейилади вазирлик ахборотномасида. Ушбу синовлар Япония хавфсизлигига катта таҳдид туғдириши таъкидланган.
Шимолий Корея шу йил бошидан буён 20 марта ракета учирди. Улар орасида қитъалараро баллистик ракета прототипи ҳам бор. Шу билан бирга Пхеньян ядро синовларига тайёргарлик кўраётгани тахмин қилинмоқда.
Аввалроқ АҚШ, Жанубий Корея ва Япония ҳарбий машғулотларни кескин кўпайтириши маълум бўлганди.
