Украина “яқин дўсти”дан айрилди
Жонсон истеъфоси Киевда оғир қабул қилинди.
Борис Жонсоннинг истеъфоси Украина учун “энг яқин дўст”дан айрилишни назарда тутади. Бу ҳақда Politico хабар берди.
Газета маълумотларига кўра, Киев ва Лондон янги бош вазир Москвага нисбатан “юмшоқ” позицияни эгаллашидан хавотирда. Нашр Европа давлатлари Жонсоннинг сиёсий майдондан кетишини асосан ижобий қабул қилган. аммо Украинада аксинча ҳолатни кўриш мумкин.
Жонсон ва Зеленский ўртасидаги шахсий дўстона муносабатлар Буюк Британияни Киевни қўллаб-қувватлайдиган асосий давлат сифатида танилишига сабаб бўлди. Украина ташқи ишлар вазири Дмитрий Кулеба собиқ бош вазирни ҳеч ким алмаштира олмаслигига аминлигини билдирган. У Жонсон истеъфоси украиналиклар учун “реал таҳдид”га айланганини қайд этган.
7 июль куни бош вазир истеъфога чиқишини эълон қилди. The Telegraph унинг НАТО бош котибига айланиши мумкинлигини ёзган.
